பிரதான செய்திகள்

சவுதி அரேபியாவில் பெண்கள் அபாயா அணிவது எந்த வகையிலும் கட்டாயமில்லையென தெரிவித்துள்ளார் சவுதி முடிக்குரிய இளவரசர் முஹம்மத் பின் சல்மான்.

கடந்த நான்கு தசாப்தங்களாக தீவிரப் போக்கில் தமது நாடு சென்று விட்டதாகவும் இனி வரும் காலங்களில் மிதவாத கொள்கையைப் பின்பற்றவுள்ளதாகவும் கடந்த வருடம் அவர் தெரிவித்திருந்த நிலையில், சவுதியில் பெண்களுக்கும் வாகன சாரதி அனுமதிப்பத்திரம் வழங்கல் உட்பட விளையாட்டு போட்டிகளை பார்வையிடல் மற்றும் பல்வேறு விடயங்களுக்கான அனுமதிகள் வழங்கப்பட்டுள்ளது.

இந்நிலையிலேயே இவ்வாறு தெரிவித்துள்ள முஹம்மத் பின் சல்மான், யாரும் இவ்வாறான திணிப்பைக் கையாள வேண்டிய அவசியமில்லையெனவும் கண்ணியமான ஆடைகளை அணிவது போதுமானது எனவும் விளக்கமளித்துள்ளார்.

ஞாயிறன்று அமெரிக்காவின் சி.பி.எஸ் தொலைக்காட்சியில் இடம்பெற்ற நேர்காணலிலேயே இவ்வாறு தெரிவித்துள்ள அவர், கண்ணியமான ஆடைகளை அணியும்படியே ஷரியா சட்டம் வலியுறுத்துவதாகவும் அது கருப்பு நிற அபாயாவாக இருக்க  வேண்டும் என எங்கும் கூறப்படவில்லையெனவும் தெரிவித்துள்ளமை குறிப்பிடத்தக்கது.

2009 யுத்த நிறைவின் பின் தொடர் இனவாத இலக்காக மாற்றப்பட்டிருக்கும் நிலையில் ற்போது ஜெனிவாவில் இலங்கை முஸ்லிம் சமூகம் மது கண்டனத்தை வெளியிட ஒன்று கூடி ஒழுக்கமான முறையில் (19/03/2018) ஆர்ப்பாட்டத்தில் ஈடுபட்டுள்ளது.
ஐக்கிய இராச்சியம், ஜேர்மனிபிரான்ஸ்இத்தாலிஉட்பட பல்வேறு ஐரோப்பிய நாடுகளிலிருந்து இங்கு இலங்கை முஸ்லிம் சமூகப் பிரதிநிதிகள் கலந்து கொண்டுள்ளதோடு தமது கண்டனக் குரல்களை பதிவு செய்து வருகின்றனர்.
இதன் போது முஸ்லிம்களை 'நிம்மதியாக' வாழவிடுமாறும் சட்ட, ஒழுங்கை நிலை நாட்டுமாறும் வலியுறுத்தப்பட்டுள்ளமை குறிப்பிடத்தக்கது.

Image result for அமித் வீரசிங்க
கண்டி இனவாத நடவடிக்கையின் பிரதான சூத்திரதாரியாக கருதப்படும் மஹசொஹன் பலகாயவின் தலைவர் அமித் வீரசிங்கவின் மனைவி மனித உரிமைகள் ஆணைக்குழுவில்  முறைப்பாடொன்றைப் பதிவு செய்துள்ளார்.
தனது கணவர் இனவாதத்தை தூண்டுமாறு எந்தவொரு பகிரங்க அறிவிப்பையும் செய்யவில்லை. கடைகள், பள்ளிவாயல் என்பவற்றை தீ வைக்குமாறு எனது கணவர் அறிவிக்கவும் இல்லை. பொலிஸார் தான் தனது கணவரை வருமாறு அழைப்பு விடுத்தார்.
தற்பொழுது அனைவரும் எனது கணவர் மீது பழியைப் போட்டுவிட்டு தம்மைக் காப்பாற்றிக் கொள்ள முயற்சிப்பதாகவும் அவர் குறிப்பிட்டார்.
மனித உரிமைகள் ஆணைக்குழுவில் முறைப்பாட்டைப் பதிவு செய்துவிட்டு ஊடகங்களுக்கு கருத்துத் தெரிவிக்கையில் அவர் இதனைக் கூறினார்.


இரு குண்டுத் தாக்குதல்கள்

இன்று அதிகாலை புத்தளம் வீதி, ஆனமடுவ மதீனா முஸ்லிம் ஹோட்டல் மீது பெற்றோல் பாம் வீசி தாக்குதல்!

ஹோட்டல் முற்றாக எரிந்து நாசம்.

நிக்கவரெட்டிய பகுதியை சேர்ந்த முஸ்லிம் நபருக்கு சொந்தமான ஹோட்டல் ஒன்றே இவ்வாறு தீ வைத்து எரிக்கப்பட்டுள்ளதாக தெரிவிக்கப்படுகிறது.

அதே நேரம் 1  மணியளவில் தர்கா டவுன் அதிகாரிகொட
பகுதியில் பூட்டி கிடந்த வீடொன்றின் மீது பெற்றோல் குண்டு தாக்குதல்!

தீ அணைக்கப்பட்டுள்ளது. தற்போது STF உடன் பொலிசாரும் பாதுகாப்பு பணியில் ஈடுபட்டுள்ளனர். 








Image result for question mark.
திகன வன்முறைகளுக்கு காரணம் என அமைச்சர் ராஜித கூறும் பாராளுமன்ற உறுப்பினர்கள் யார் என்பதை நாட்டிற்கு அறிவிக்க வேண்டும் என கூட்டு எதிரணி மற்றும் மக்கள் விடுதலை முன்னனி சபாநாயகரிடம் கோரிக்கை முன்வைத்துள்ளது.

கண்டி மாவட்டத்தில் ஏற்பட்டுள்ள வன்முறைகளின் பின்னனியில் இரு பாராளுமன்ற உறுப்பினர்கள் இருப்பதாக ராஜித சேனாரத்ன கூறியிருந்த நிலையில் அவர்கள் யார் என்பதை நாட்டிற்கு அறிவிக்க வேண்டும் என கூட்டு எதிரணி மற்றும் மக்கள் விடுதலை முன்னனி சபாநாயகரிடம் கோரிக்கை முன்வைத்துள்ளது.

அகில இலங்கை ஜம்இய்யத்துல் உலமா சபை விடுக்கும் ஜும்மா தொடர்பான முக்கிய அறிவித்தல்.....

நாட்டில் ஏற்பட்டுள்ள நெருக்கடி நிலமைகளைக் கவனத்திற்கொண்டு இஸ்லாத்தின் அடையாளச் சின்னங்களில் ஒன்றான புனித ஜும்ஆவுடைய தினமாகிய நாளை (2018.03.9) பின்வரும் ஒழுங்குகளைக் கவனத்திற்கொள்ளுமாறு அகில இலங்கை ஜம்இய்யத்துல் உலமா சபை இலங்கைவாழ் அனைத்து முஸ்லிம்களையும் கட்டாயமாக வேண்டிக் கொள்கின்றது.

1)ஜும்ஆவுடைய நேரத்தில் மஸ்ஜித்கள், முஸ்லிம்களின் வீடுகள், வியாபாரஸ்தலங்களுக்குத் தேவையான அனைத்துப் பாதுகாப்பு நடவடிக்கைகளையும் ஏற்பாடு செய்துகொள்ளுமாறும், தற்பாதுகாப்பு நடவடிக்கைகளில் ஈடுபடும் முஸ்லிம் சகோதரர்கள் ழுஹ்ர் தொழுகையைத் தொழுதுகொள்ளலாம். இவர்களுக்கு ஜுமுஆக் கடமையாகமாட்டாது.

2)ஓர் ஊரில் இரண்டு அல்லது அதற்கு மேற்பட்ட மஸ்ஜித்களில் ஜும்ஆக்கள் நடைபெறும் வழமை இருந்தால், அம்மஸ்ஜித்களின் ஜும்ஆவுடைய நேரத்தை நிர்வாகிகள் தங்களுக்குள் கலந்துரையாடி தேவைப்படின் வித்தியாசப்படுத்திக் கொள்ளலாம்.

3)முஸ்லிம்களின் பாதுகாப்பு நடவடிக்கைகளில் ஈடுபடும் பாதுகாப்பு படையினருடன் ஒத்துழைப்பு, பண்பாடு, புரிந்துணர்வுடன் நடந்துகொண்டு தமது பாதுகாப்பை மேலும் பலப்படுத்திக்கொள்ளவும்.

4)குத்பாப் பிரசங்கத்தையும் தொழுகையையும் ஜம்இய்யாவினால் வழங்கப்பட்டுள்ள மாதிரி குத்பாவை முன்வைத்து, இருபத்தைந்து நிமிடங்களுக்கு மேற்படாத வகையில் சுருக்கிக் கொள்ளுமாறும் வேண்டிக் கொள்கின்றோம்.

5)தற்போது ஏற்பட்டுள்ள நெருக்கடி நிலமைகள் அனைத்து முஸ்லிம்களையும் ஆழ்ந்த கவலைக்கும் ஆத்திரத்துக்கும் ஆளாக்கியிருக்கும் இந்நிலையில், அவர்களுக்கு மன ஆறுதலாகவும் முஸ்லிம்களின் உணர்வுகள்; பாதகமான முறையில் தூண்டப்படாமலும் குத்பாப் பிரசங்கத்தை அமைத்துக் கொள்ளல் வேண்டும்.

6)நாட்டு முஸ்லிம்களினதும் உலக முஸ்லிம்களினதும் நிலமைகள் சீராகி நிம்மதியாகவும் கண்ணியமாக வாழ துஆ, இஸ்திக்ஃபார், நோன்பு, சதகா, போன்ற நல்லமல்களின் மூலம் அல்லாஹுதஆலாவின் பக்கம் மக்களைத் திசை திருப்புதல் வேண்டும்.

7)அவசரகால சட்டம் நாட்டில் அமுலில் உள்ளதால் ஜும்ஆ முடிந்தவுடன் நாட்டுச் சட்டத்தை மதித்து அமைதியாக கலைந்து சென்று தத்தமது வேலைகளில் ஈடுபடுமாறு வேண்டிக் கொள்கின்றோம்.

இவ்வண்ணம்

அஷ்-ஷைக் இல்யாஸ் மஹ்மூத்
செயலாளர்
பத்வாக் குழு
அகில இலங்கை ஜம்இய்யத்துல் உலமா

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget